Hevur tín telefon røttu útgávu av stýrisskipan?

So hvørt sum telefonir og teldlar verða eldri, gevast framleiðarar ofta at dagføra gomlu stýrisskipanirnar. Tá ið tín telefon ella teldil ikki verða dagførd, fært tú heldur ikki tær rættingar, trygdardagføringar og nýggju funkur, sum eru. Er telefonin ikki dagførd, er størri vandi fyri hakkaraálopum og sviki. 

Tá ið telefonir ella teldlar ikki er dagførd, ávirkar tað eisini appirnar á teimum. Hetta er eisini galdandi fyri Samleikan.

Samleikin verður javnan dagførdur í mun til brúkaravinsemi, trygd og at rætta møguligar villur, og tað setur krøv til stýrisskipanina á telefonini. 

Tú má tryggja, at tín telefon er dagførd við nýggjastu útgávu av stýrisskipanini, so tú framhaldandi kanst brúka Samleikan. 

Samleikin hevur minstukrøv fyri, hvørjar fareindir kunnu brúka appina.

• Fyri Android er minstakravið Android útgáva (version) 5.

Um tín fareind hevur eina stýrisskipan, ið er eldri enn hetta, kanst tú ikki brúka Samleikan.

Um tín telefon ella teldil ikki kann brúka Samleikan, kanst tú ogna tær geyman. Les meira um, hvussu tú fært geyman í leinkinum niðanfyri

Samleikin á geyma

Samleikin verður javnan dagførdur, so minstakravið verður broytt av og á.

• Far undir stillingar á telefonini
• Blaða niður til Om telefonen / About Phone.
• Vel Softwareoplysninger / Software information
• Her sært tú, hvørja útgávu av Android tú hevur

Vit mæla til, at tín telefon sjálvvirkandi dagførir stýrisskipanina. Soleiðis gert tú:

• Far undir stillingar á telefonini
• Blaða niður til Om telefonen / About Phone.
• Vel Softwareoplysninger / Software information
• Vel Autodownload 

Á henda hátt tryggjar tú, at tín telefon hevur nýggjastu útgávu av stýrisskipan, sum telefonin klárar.

Fyri iPhone og iPad er minstakravið til stýrisskipan iOS 13.

Um tín fareind hevur eina stýrisskipan, ið er eldri enn hetta, kanst tú ikki brúka Samleikan.

Um tín telefon ella teldil ikki kann brúka Samleikan, kanst tú ogna tær geyman. Les meira um, hvussu tú fært geyman í leinkinum niðanfyri.

Samleikin á geyma

Samleikin verður regluliga dagførdur, so minstakravið til stýrisskipan verður broytt av og á.

• Far undir stillingar á telefonini
• Blaða niður til General /Generelt
• Vel About / Om
• Her sært tú, hvørja útgávu av iOS tú hevur

Vit mæla til, at tín telefon sjálvvirkandi dagførir stýrisskipanina. Soleiðis gert tú:

• Far undir stillingar á telefonini
• Blaða niður til General /Generelt
• Vel Software Update
• Vel Automatic Updates

Á henda hátt tryggjar tú, at tín telefon hevur nýggjastu útgávu av stýrisskipan, sum telefonin klárar.