Samleikin er komin fyri Mínlykil
Samleikin kann brúkast á teimum síðum og tænastum, sum hava brúkt Mínlykil, og enn fleiri leggjast aftrat. Eisini peningastovnarnir fara at brúka Samleikan sum innritan til netbankarnar.
Tú brúkar eisini Samleikan at rita inn á Mínboks, sum er vorðin partur av Vanganum.
Tað er skjótt og ómakaleyst at fáa sær Samleikan. Her á síðuni kanst tú lesa meira um Samleikan, og hvussu tú brúkar hann.
Um tú ikki hevur fingið tær Samleikan enn, kanst tú trýsta á leinkið niðanfyri:
Mínboks er vorðin partur av Vanganum. Fyri at lesa tín post, skalt tú rita inn á Vangan við Samleikanum. Sniðið er dagført, og tú fært eina betri brúkarauppliving.
Rita inn á www.vangin.fo ella tak appina Vangin niður á telefon og teldil.
Tað hevur onga broyting við sær við samskiftinum, at Mínboks er flutt. Posturin verður verandi í tínum persónliga trygga postkassa.
Gjaldstovan yvirtók Mínboks og Mínlykil í 2017. Eitt av endamálunum var, at Mínboks skuldi gerast partur av Vanganum, og at Samleikin skal brúkast í staðin fyri Mínlykil.
Samleikin er ikki bara ein innritan. Tú kanst eisini brúka Samleikan sum talgilda undirskrift. Samleikin líkur hægri trygdarkrøv, og fer við tíðini at kunna brúkast hjá nógvum tænastuveitarum í Føroyum og uttanlands.
