Hjálp við Samleikanum

Loynitalið verður ikki skrásett nakrastaðni. Um tú gloymir loynitalið mást tú bíleggja Samleikan av nýggjum.

Far undir stillingar og vel Strika Samleikan og síðani velur tú Bílegg Samleikan

Tað er týdningarmikið, at tú leggur loynitalið í geyma og ikki letur øðrum tað.

Áðrenn tú kanst brúka Samleikan, mást tú skráseta tað. Tað er skjótt og lætt. Tú kanst gera tað beinleiðis í appini ella við at møta upp persónliga á Staravegi 9 í Havn.

Minst til at tú mást hava samleikaprógv við hondina, tá ið tú skrásetur teg. Góðkend samleikaprógv eru føroysk og donsk koyrikort og pass.

Fyri at Samleikin skal kunna geva tær fráboðanir beinleiðis í appini, skal telefonin verða stilla til hetta, sí vegleiðing í leinkinum niðanfyri:

Fráboðanir frá appini

Tú byrjar innritan við at fara til heimasíðu ella app hjá tænastuveitara, t.d. vangin.fo

1. Trýst á 'rita inn' og skriva títt P-tal.
2. Ein mynd verður víst á innritanarskerminum og Samleikin verður virkin
3. Vátta í Samleika appini at myndirnar eru eins
4. Skriva persónliga loynitalið í Samleika appina
5. Tú ert nú ritað/ur inn

Tú kanst rita inn við Samleikanum hjá tænastuveitarum, ið brúka Samleikan. Tú finnur yvirlit yvir tænastuveitarar á leinkinum niðanfyri:

Samleika tænastuveitarar

Sí videovegleiðing hvussu tú ritar inn:

Um tú av ein hvørjari orsøk skiftir telefon ella teldil út, kanst tú flyta Samleikan á nýggju fareindina. Áðrenn tú byrjar mást tú tryggja tær, at tú hevur Samleika appina á báðum eindum.

Far undir stillingar í appini. Vel Flyt Samleikan og fylg síðani vegleiðingini í appini.

Samleikin kann bara vera virkin á eini fareind ísenn.

Áðrenn tú byrjar at brúka Samleika geyman, mást tú gera telduna klára. Tú skalt taka fyrst taka eitt program niður á telduna. Trýst á leinkið niðanfyri fyri at taka Desktop App niður á telduna

Personal Desktop App til Samleikan

Í vegleiðingini niðanfyri sært tú, hvussu tú gert telduna, áðrenn tú brúka Samleika geyman.

Hevur tú Samleikan á geyma, mást tú hava eina teldu tøka fyri at rita inn. Sí vegleiðing niðanfyri, hvussu tú ritar inn við geymanum.

Tað er umráðandi, at tú velur eitt gott og trygt loynital. Loynitalið tryggjar tínar upplýsingar og títt privatlív.

Loynitalið til Samleikan skal vera seks tøl, og vit viðmæla, at tað ikki er

• ein talrøð t.d. 123456 ella 987654
• føðidagurin hjá tær ella børnunum
• telefonnummarið hjá tær

Loynitalið skal vera lætt at minnast, men ringt at gita. Loynitalið er loyniligt og persónligt og má ikki vísast øðrum.

Loynitalið skal metast á jøvnum føti við loynitalið til gjaldskort, sum er loyniligt

Skriva ikki loynitalið niður

Samleikin er títt talgilda samleikaprógv, og tú skalt handafara tað, sum tú hevði gjørt við eitt pass.

Samleikin liggur á tíni fareind. Gev ikki øðrum atgongd til tín Samleika. Samleikin er persónligur.

Vel eitt gott loynital, sum er lætt at minnast, men ringt hjá øðrum at gita. Legg tær tað í geyma, tí tú skalt brúka tað hvørja ferð, tú ritar inn við Samleikanum.

Tá ið tú bíleggur Samleikan í appini skalt tú brúka eitt samleikaprógv. Góðkend samleikaprógv til bílegging í appini eru føroysk og donsk pass og koyrikort.

Gevi gætur at tað skal vera koyrikort sum á myndini niðanfyri

Um tú ikki hevur eitt føroyskt ella danska samleikaprógv, mást tú skráseta Samleikan við persónligari uppmøting á Staravegi 9.